Ekishushwaani ky'omutti
Abantu bareebiire okutangaara Ahakyaaro Busagura ekirikushangwa omu district eta Bukomansimbi, Ahu abantu bareebiire okutangaara bwanyima y'omutuuze omwe kwimuka omukasheeshe akaza kushatura enku ahakitti ekyagwiire bwanyima yemyaka mukaaga, kwonka akashanga kyemereire kiryahiguru!
Tugambireho n'abantu bamwe ahabashatwiireho enku ahakitti nikyo kimwe batugambira bati:
"Omuti Gw'Omutooma ogu, gukamera gye, gwakura, gwabamuringwa munonga, kwonka kugwahikire gwiija gwayooma. Bwanyima, haija enjura nyingyi ye'ihunga hamwe nomuyaga gwamaani gwaguteera ahansi.
Batyo abantu batandika kugutemaho amataagi batwaara omumaka gaabo, nkomuringo gumwe gwokushenya enku;
Kuhasigiireho empimbi, nayo bagitema-tema, nekikongye bakishatura, nangwa nemizi yaakyo bagitimbayo nkomuringo gwokushenya enku.
Kwonka twareebera okutangaara omukasheeshe akerizooba omuti kugaruka gukesimba byanyima yemyaka mukaaga!
Chairman wekyaalo eki ekya Busagura Owekitinisa Joseph Lugudde nagiira ngu ebintu ebi bitwiire nibibaho buriijo omukyanga kyaabo, ahabwokuba omubiro ebihwiire hakaba hariiho enyanja eyomire gye amiizi gakahwamu goona.
Abantu abatikiriza amaziina gaabo gureebekyera omumakuru agampaha, batugambira ngu omutti nigwo gumwe, nigushangwa omukibanja kyomwami Mukalazi;
Bagumizaamu batugambira ngu kurugiriira nkoku bakureeba, omubantu abetoriire omutti ogu, harimu omwe oyine ebijadu (traditional region) haza akozire enshobi (mistake) omukurebereera ebijadu byeeye obwo reelo hakabaho ekyokutangaaza eki obwo akatiina ngu ekyokutangaaza eki kitareebekyera omumaka gye, nikwo akakisindiika omumusiri gwa Mzee Mukalazi omusinzi otiine kyarikumanya.
0 Comments